Жетістіктер

2023 жылдың 23 мамыр күні Жамбыл облысы әкімдігі білім басқармасы ТжКББ бөлімі және Тараз инновациялық көпсалалы колледжінің ұйымдастыруымен «Інжу» бөбекжай-балабақшасында мектепке дейінгі ұйым тәрбиеленушілері арасында «Baby Skills-2023» облыстық чемпионаты өткізілді. Чемпионаттың мақсаты – мектеп жасына дейінгі балаларды қарапайым кәсіби дағдыларды көрсету негізінде ерте кәсіби бағдарлау, дарынды балаларды анықтау және қолдау. Чемпионат «Медициналық қызмет» және «Дизайнер» құзіретттіліктері бойынша өткізілді. Чемпионатқа облыс аудандарынан және қала балабақшаларынан 5-6 жастағы бүлдіршіндер сайысқа түсті. Облыстық ойын чемпионатында әр құзыреттілік бойынша WorldSkills стандарттарына сай жасақталған модульдер бағалау өлшемшарттарына сәйкес бағаланып, сарапшылар төмендегідей шешім қабылдады.
Сайыс нәтижесінде жеңімпаздар жүлделі орындарға ие болып дипломдармен және сыйлықтармен марапатталды.
«Дизайнер» құзіреттілігі бойынша:
1 орынды «Нұр-Шашу» балабақшасының тәрбиеленушісі Сәрсенбек Бағдана, 2 орынды «Інжу» балабақшасының тәрбиеленушісі Дауысбек Томирис,
3 орынды Жамбыл ауданы, Еңбек ауылы «Талшын» шағын орталығының тәрбиеленушісі Асқарбек Айзере иеленді.
 Ал, «Медициналық қызмет» құзіреттілігі бойынша:
1 орынды «Інжу» балабақшасының тәрбиеленушісі Назымбек Биназар,2 орынды «№6» бөбекжай-балабақшасының тәрбиеленушісі Наурызбаева Даяна,
3 орынды Байзақ ауданы, Сарыкемер ауылы «Өтеміс» бөбекжай бақшасының тәрбиеленушісі Нұрбек Нұрислам иеленді.
Чемпионатқа қатысушылар, сарапшылар, ұйымдастырушылар және тәрбиешілер Жамбыл облысы білім басқармасының алғыс хаттармен марапатталды.

 15.05.2023 жылы Республикалық «Жарық жұлдыз» ғылыми-әдістемелік орталығының ұйымдастыруымен VII Халықаралық «Жарық жұлдыз» атты балалар өнер байқауының “Көркем сөз” жанрына Тараз инновациялық көпсалалы колледжінің студенті Момыналы Аяулым қатысып, жүлделі I орын мен марапатталды.

 

 

 

28.04.2023 жылы М.Х.Дулати атындағы Тараз өңірлік университетінің «Туризм және сервис» кафедрасының «Сервис» студенттік ғылыми үйірмесі ұйымдастырып отырған көшпелі ашық семинарында жарияланған “Тараз - Жібек жолының Інжу маржаны” тақырыбында өткізілген сайысқа Тараз инновациялық көпсалалы колледжінің туризм мамандығының оқытушысы Омаралиева Қарақаттың жетекшілігімен 3 курс студенттері Әлқайдар Іңкәр,Медеділдә Аяжан қатысып жүлделі II,III орындармен марапатталды.

27.04.2023 жылы Алтынның көзі, асылдың сынығы Мағжан Жұмабаевтың 130 жыл толуына орай қалалық мәдениет үйінің ұйымдастыруымен және Тараз инновациялық көпсалалы колледж білімгерлері, кітапханашы Асанова А.Н, әдіскер Жүнісов А.Б, пен бірлесе әдеби кеш өтілді.
Кештің мақсаты: Білімгерлерді Мағжан Жұмабаевтың өмірімен таныстыра отырып өлең-жырларының мазмұнын ашу, оларды жан - жақты ұғынып парасаттылығын өлең жолдары арқылы адамгершіліккк, отансүйгіштікке, еңбексүйгіштікке тәрбиелеу. Іс шараға белсенді қатысқан студенттер алғыс хаттармен марапатталды.

15.04.2023 жылы М.Х.Дулати университеті «Биология кафедрасы»ұйымдастырған ғылыми жобаға Тараз инновациялық көпсалалы колледжінің 1 курс студенті Өсер Едіге қатысып жүлделі II орынмен марапатталды.

 

 

15.04.2023 жылы  Облыстық WorldSkills Jambyl -2023 кәсіби чемпионатының жеңімпаздары анықталды. Аталған конкурсқа Тараз инновациялық көпсалалы колледжінің
2 курс студенті Еділхан Ақарыспен жетекшісі Әбирбек Нұржаусын "Графикалық дизайн" құзыреттілігі бойынша қатысып марапатталды.

   

15.04.2023 жылы  Облыстық WorldSkills Jambyl -2023 кәсіби чемпионатының жеңімпаздары анықталды. Аталған конкурсқа Тараз инновациялық көпсалалы колледжінің
2 курс студенті Базатбек Сезім «Сән технологиясы» құзыреттілігі бойынша қатысып жүлделі III орынмен марапатталды.

11.04.23-12.04.23ж. аралығында Павлодар облысының білім беру басқармасы «Ertis» жоғары инновациялық-аграрлық колледжі ҚМҚК базасында «Ветеринария» бағыты бойынша техникалық және кәсіптік білім беру ұйымдарының студенттері арасында «AgroSkills-2023» аймақаралық конкурсына Тараз инновациялық көпсалалы колледжінің 3 курс студенті Оразмаханбет Айгерім қатысып жүлделі II орын иеленді. 

11.04.2023 Абай атындағы Жамбыл гуманитарлық жоғары колледжінде Алтайдың асқақ жыршысы О.Бөкейдің 80 жылдығына арналған "Өнерге өлердей-ақ ғашық едім" атты колледж студенттері арасында ІІ облыстық проза оқу байқауы өтті.
Осы байқауға Г.Еркебаеваның жетекшілігімен колледжіміздің 1-курс білімгерлері қатысты. Байдәулетова Меруерт үздік өнер көрсетіп бас жүлдені иеленсе, Озер Фадыме жақсы өнерімен жүлделі ІІІ орынға ие болды.

01.04.2023 жылы Ш.Мұртаза атындағы Халықаралық Тараз Инновациялық институтының ұйымдастыруымен «Үкілі ару-2023» сұлулық байқауы өткізілді.

Нәзіктік пен сұлулық, ақыл мен парасат, сыр мен сымбат ұштасқан байқауға колледжіміздің МДТ-9-20-1 тобының аруы Әлқайдар Іңкәр қатысып «Көрікті ару» номинациясымен марапатталды.

01.03.2023 жылы Наурыз алғыс айту күніне орай Тараз инновациялық көпсалалы колледжінің белсенді студенттерінің
ата-аналарын колледж директорының алғыс хатымен марапаттап, өз алғысымызды білдірдік.

01.03.2023ж. Тараз инновациялық көпсалалы колледжінің "Жалпы кәсіптік және арнайы пәндер" циклдік әдістемелік комиссиясының онкүндігін қорытындылап, есеп беру іс-шарасы "Біздер еткен әр істер,-бағындырған белестер" айдарымен өтті. Іс- шараның соңында онкүндік барысында ерекше белсенділік танытқан студенттер мен оқытушылар колледж директоры атынан алғыс хатпен марапатталды.

28.02.2023ж. Тараз инновациялық көпсалалы колледжінің "Жалпы кәсіптік және арнайы пәндер" циклдік әдістемелік комиссиясының онкүндігінің оныншы күні жас мамандар арасында "Креативті педагог" байқауы өтті. Байқауға Тараз политехникалық колледжі, Астана колледжі, Білім колледжі және Тараз инновациялық көпсалалы колледжінен жас мамандар қатысты. Байқау үш кезеңнен тұрды. Байқауға колледжіміздің жас мамандары Сейсембай Нұрсәуле және Қуаныш Аружан қатысып, жүлделі орындармен марапатталды.

23.02.2023ж. Тараз инновациялық көпсалалы колледжінің "Жалпы кәсіптік және арнайы пәндер" циклдік әдістемелік комиссиясының онкүндігінің жетінші күні "Кім іскер-кім шебер?" тақырыбындағы сайыс "Тігінші" біліктілігін игеріп жатқан екінші курс студенттері арасында жүргізілді. Сайысқа қатысушылар өздерінің жан-жақты білімге құштар, екендігін көрсете білді.

 

21.02.23ж. Тараз инновациялық көпсалалы колледжінің " Жалпы кәсіптік және арнайы пәндер " циклдік әдістемелік комиссиясының онкүндінінің бесінші күні колледжіміздің жас маманы Қуаныш А. ұйымдастыруымен "Қазақстанның табиғи зоналарының орман дамуындағы үлесі" тақырыбында студенттер арасында дөңгелек үстел өткізілді.Дөңгелек үстелді ұйымдастырудағы мақсат- орманның адам өміріндегі маңызын насихаттай келе, орман шаруашылығы саласындағы өндірістік қызметке дайын бәсекеге қабілетті маман дайындау болып табылды.

 

20.02.23ж. Тараз инновациялық көпсалалы колледжінің "Жалпы кәсіптік және арнайы пәндер" циклдік әдістемелік комиссиясының онкүндігінің төртінші күні "Білгенім бір тоғыз, білмегенім мың тоғыз" тақырыбымен "Ветеринария" мамандығының 2 курс студенттері арасында білім сайысы өтті. Сайысқа қатысушы студенттер өздерінің теориялық білімдерінің терең екенін көрсете білді. Осы сайысқа қатысушылар "Білім негізі — практикада" айдарымен өткен тәжірибелік сынақта 2 курстың өзінде ақ мамандықтарын жақсы игере алғандықтарын көрсете білді.

16.02.23ж Тараз инновациялық көпсалалы колледжінің "Жалпы кәсіптік және арнайы пәндер" циклдік әдістемелік комиссиясының онкүндігінің екінші іс шарасы 1 курс студенттері арасында IQ дода өтті. Іс-шара болашақ ағылшын тілі пәнінің мамандары арасында өтілді. Колледждің жас мамандары Д.Нуртай, Н.Сейсембай және А.Мейірбекова ұйымдастырған іс-шарадан студенттер керемет көңіл күймен шықты, сондай ақ өз білімдерінің деңгейіне көз жеткізе білді.

15.02.23ж Тараз инновациялық көпсалалы колледжінің студенттері №6 қалалық кітапхана қызметкерлері және Тараз қаласы әкімдігінің тілдерді дамыту орталығымен бірлесе “Жасай бер ана тілім - қазақ тілі” атты конференция өтті.
Мақсаты: Жас ұрпақтың еліне, ұлтына, тіліне деген сүйіспеншілігін арттыру, тілді ұлттық мұра ретінде сезінуге, тіл мәдениетін сақтай білуге үйрету, тіліміздің қадір-қасиетін бойларына дарыту.
Конференцияға Ш.Мұртаза атындағы “ Руханият және тарихтану” орталығының ғылыми қызметкерлері облысымызға танымал айтыскер ақындарымыз Қамбатыров Ербол мен Апбасов Дидар қатысты.№125 Білім беру академиясының қазақ тілі мен әдебиет пәнінің мұғалімі Ерлан Нурланов, Тараз қаласы әкімдігінің мәдениет және тілдер дамыту бөлімінің басшысы Бақыт Тілегенқызы бөлім меңгерушісі Айгерім Құдайбергенова сияқты конақтар болды.Конференцияды ТИКК студенттері тіл туралы өлеңдерін оқып, алғыс хатпен марапатталды.

 

23.12.2022 жылы М.Х.Дулати атындағы Тараз өңірлік университеті «Экономика және құқық» факультеті, «Мемлекеттік және әкімшілік құқық» кафедрасы «Жеті жарғы» студенттік ғылыми үйірмесінің ұйымдастыруымен Жамбыл облысы мен Тараз қаласының мектептерінің оқушылары мен колледж студенттері арасындағы «Сыбайлас жемқорлық-қоғамның өзекті мәселері» тақырыбындағы өткен дөңгелек үстелге Тараз инновациялық көпсалалы колледжінің 3 курс студенттері; Момыналы Аяулым III дәрежелі дипломмен, Мейрқұл Дамира алғыс хатпен марапатталды.

 

21.12.2022 жылы Қазақстан Республикасының Тәуелсіздік күніне арналған "Мен кәсіпкермін" Республикалық Гранд турнирінде колледжіміздің 3 - курс студенттері Мейрқұл Дамира мен Момыналы Аяулым "Ипподром" жобасымен жүлделі ІІ-орынды иеленді.

 

15.12.2022 жылы Тәуелсіздік күніне орай ұйымдастырылған колледжішілік “Зияткерлік ойын” сайысына белсене қатысып, өз білімдерін көрсеткені үшін I курс білімгерлері марапатталды.

15.12.2022 жылы Тәуелсіздік күніне орай, "Тәуелсіз ел тірегі -білімді ұрпақ" тақырыбында колледж білімгерлері арасында өткізілген конференцияға қатысқаны үшін I курс білімгерлері марапатталды.

2022 жылдың 8 желтоқсаны күні Астана қаласында ҚР Оқу -ағарту министрі А.Аймағамбетовтың қатысуымен 2022 жылғы «Қазақстан Республикасы колледждерінің ТОП-100 студенті» республикалық байқауының жеңімпаздарын марапаттау рәсімі өтті.
Қазақстандық колледждердің ТОП-100 үздік студенттерінің дипломымен Тараз инновациялық көпсалалы колледжінің 3 курс студенті Үмбетбай Диқан Дәулетұлы марапатталды.
Құттықтаймыз!!!

15.11.2022 жылы Жамбыл политехникалық жоғары колледжінде өкен пікір сайысқа студенттер қатысып марапатталды.

 

8.11.2022 жылы М.Х.Дулати атындағы Тараз өңірлік университетінің ұйымдастыруымен өткен облыстық “Мария Монтессоридің педагогикалық жүйесі және оның маңызы” атты дөңгелек үстелде тренинг,шеберлік сағаттарын жүргізіп, ерекше көзге түскені үшін Әлқайдар Іңкәр, Асан Әселхан, Медеділдә Аяжан алғыс хаттармен марапатталды.

21.11.2022 жылы М.Х.Дулати атындағы Тараз өңірлік университетінің ұйымдастыруымен Дінмұхаммед Қонаевтың 110 жылдығына арналған «Д.Қонаевтың қоғамдық-саяси қызметі» атты облыстық көлемінде өткізілген дөңгелек үстелге колледжіміздің студенті Дүйсен Аружан қатысып алғыс хатпен марапатталды.

03.11.2022 жылыТараз инновациялық көпсалалы колледжіміздің студенті Ержанұлы Мәулен Қарағанды қаласында өткен панкратион спорт түрінен Nomad MMA Азия чемпионатынан күміс жүлде иеленді.🥈🏆👍🏻 Құттықтаймыз

02.11.2022 жылы Тараз қаласы әкімдігінің ішкі саясат бөлімінің «Жастар ресурстық орталығы» КММ ұйымдастыруымен «3 күнде қаланы өзгерт» атты инновациялық жобалар байқауында 25 команданың ішінде үздік 8 командаға ілініп жобаға қатысқаны үшін колледжіміздің студенттері «Winners» тобының мүшелері Момыналы Аяулым, Мейрқұл Дамира «Жастар ресурстық орталығы» КММ-нің алғыс хатын алды.Құттықтаймыз

02.11.2022 жылы Мұхтар Әуезовтың 125 жылдығына арналған «Мұхтар Әуезов мұрасы - ұлт қазынасы» тақырыбында студенттер арасында колледжішілік пікірсайыс турнирі өтті.

31.10.2022 жылы Тараз қалалық «Жастар ресурстық орталығы» КММ ұйымдастыруымен «Біз таланттарды іздейміз» атты жас таланттар байқауы өтті. Аталған байқауға қатысып,өз өнерін көрсетіп, ерекшелігімен көзге түсіп, талантымен көпшілікті таң қалдыра білген колледжіміздің 3-курс студенті Момыналы Аяулым жүлделі І-орынды иеленді. Құттықтаймыз!

20.10.2022 жылы Ш.Мұртаза атындағы Халықаралық Тараз Инновациялық Институтында "VІІ Шерхан Мұртаза оқулары" байқауының облыстық кезеңі өтті. Қазақтың халық жазушысы, мемлекеттік сыйлық тың иегері Шерхан Мұртазаның сан қырлы шығармашылығы мен қайраткерлік тұлғасы бүгінгі ұрпақты рухани азықтандырып, тұлғалық қалыптасуына мүмкіндік берді.
4 бағыттан тұратын байқауда "Рух пен намыстың төресі" деп аталатын 2-ші бағыт бойынша, колледжіміздің І курс білімгері Байдәулетова Меруерт Ш. Мұртазаның "Жүрекке әжім түспейді" әңгімесінен үзінді жатқа оқып, алғыс хатқа ие болды.

12.10.2022 жылы Тараз инновациялық көпсалалы колледжінде М.Мәметованың 100 жылдығына арналған “Елдің тынышытығы - ең үлкен аманаты” атты 1 курс студенттері арасында пікір сайыс өтті.

Қазақстан Республикасы тәуелсіздігінің 30 жылындағына орай Халықаралық Тараз инновациялық институты облыстық "Тәуелсіз елдің ұланымын" атты үздік пост байқауын ұйымдастырған болатын. Байқаудың мақсаты тәуелсіз елде туып, еркін ойлайтын, Тәуелсіздіктің талантты жастарының азат ойлары мен кемел білімдерін бүгінгі қоғам игілігіне жарату болып табылады. Аталған шарада Тараз инновациялық көпсалалы колледжінің А-9-20 тобының білімгері Аубакирова Аружан жүлделі 3 орынды иеленді. Құтты болсын!

 

«Техникалық және кәсіптік білім беруді дамыту орталығы, Абай атындағы Жамбыл гуманитарлық жоғары колледжінің» ұйымдастыруымен 11.02.2021ж. «Өзін-өзі тану» пәні бойынша өткізілген облыстық олимпиадада Тараз инновациялық көпсалалы колледжінің студенттері «WINNERS» тобы қыздары Момыналы Аяулым, Әбдрасіл Аяжан, Мейрқұл Дамира, Смайыл Аяулым жүлделі І-орын иеленді. Ғылыми жетекшісі Болысбай Айгүл Нурманқызы. Құттықтаймыз

 

Тараз инновациялық көпсалалы колледжінің жас мамандары Д.Қуанышбекова, Ж.Орақбаева «Білім көкжиегі – практикада» тақырыбында ветеринария саласының адам өміріндегі маңызы мен студент жастарға алған білімдерін тәжірибеде іске асыруға және мал шаруашылығы саласындағы өндірістік қызметке дайын, бәсекеге қабілетті маман болуға дайындау мақсатында тәжірибелік сабақ өткізді. Студенттердің теориялық білімдерін практикада қолданып, көрсету мақсатында өткен сабақ: Тараз қалалық ветеринариялық станция директоры: Қартабаев Қанатбек Қадірұлының, Аса аудандық ветеринариялық станция ветеринар дәрігері: Байсугуров Тулаган Жумамуратовичтің, Тараз инновациялық гуманитарлық институты ветеринария пәні мұғалімі: Абдибеков Бақытжан Тукеновичтің қатысуымен өтті.

 

Қазақстан Республикасы Қарулы Күштерінің құрылғанына 30 жыл толуына арналған алғашқы әскери дайындық пәнінің оқытушысы А.Жолдыбайдың ұймдастыруымен «Білім» кәсіби гуманитарлық-техникалық колледжі мен Тараз инновациялық көпсалалы колледжінің студенттерінің арасында әскери-спорттық ойындардан жарыс өтті.

 

Тараз инновациялық көпсалалы колледжінің оқытушысы, жас маман Г.Рахметова М.Әуезов атындағы орталықтандырылған қалалық кітапхананың бөлім меңгерушісі: Әлішева Қамар Егембердіқызының қатысуымен, жастарды кітаппен дос болуға, кітаптың адам өміріндегі маңызы, ғылым мен білімнің пайдасы жайлы, рухани байлықтарын кітап оқу арқылы арттыруға шақыру мақсатында «Артық ғылым кітапта, Кітаптан ізде ғылымды» атты оқырмандармен кездесу өткізді.

 

Колледж психологы: Болысбай Айгүл Нұрманқызы «Жасөспірімдер арасында қылмыс пен құқық бұзушылықтың алдын алу» тақырыбына профилактикалық жұмыстар жүргізді. Студенттердің құқықтық сауаттылығын арттырып, құқық бұзушылық және қылмыс белгілерімен, түрлерімен таныстыру, жасөспірімдердің құқықтары мен, міндеттерімен таныстыру. Қоғамның заңдары мен нормаларын орындауға және оны біліп құрметтеуге тәрбиелеу мақсатында өткен кездесу: Тараз қ. ПБ ЖППБ ЮПБ УПҚ полиция майоры Маханов Даурен Усенбекович, Тараз қ. ПБ ЖППБ ЮПБ УПҚ полиция лейтенанты Егембердиева Маржан Қайратовна қатысуымен өтті.

 

Қазақстан Республикасы Тәуелсіздігінің 30 жылдығына орай ұйымдастырылған «ТӘУЕЛСІЗДІК-ТУЫММЕН ТҰҒЫРЛЫ, ЕЛТАҢБАММЕН ЕҢСЕЛІ» қалалық жас мамандар байқауы өтті.

 

Тараз инновациялық көпсалалы колледжінің арнайы пәндер оқытушысы М.Мадиканова О-9-20 топ студенттерімен «Алғырлар мен тапқырлар» атты студенттер арасындағы спорттық және білім сайысын өткізді.